ახალგაზრდა მეცნიერთა კავშირმა "ინტელექტი" პროექტის "ადგილობრივი თვითმმართველობების შესაძლებლობების გაძლიერება გრძელვადიანი მდგრადი განვითარებისათვის აჭარის რეგიონში" ფარგლებში აჭარის ხუთი მუნიციპალიტეტის მოსახლეობის სოციოლოგიური კვლევა დაასრულა, რომელიც სოციალურ–ეკონომიკური განვითარების სტრატეგიული გეგმების შემუშავებისათვის და მუნიციპალიტეტებში არსებული სიტუაციის სრულყოფილი სურათის მიღებისათვის იყო საჭირო. სოციოლოგიურ გამოკითხვაში სულ მონაწილეობა მიიღო 5 150  რესპონდენტმა. მათ შორის:
ხულოს მუნიციპალიტეტში გამოკითხული იქნა – 940 რესპონდენტი;
შუახევის მუნიციპალიტეტში – 620;
ქედაში – 590;
ხელვაჩაურში  – 1480, ხოლო
ქობულეთის მუნიციპალიტეტში – 1520 რესპონდენტი.
სოციოლოგიური კვლევის დროს გათვალისწინებული იყო მოსახლეობის სქესი, ასაკი, განათლება, საქმიანობის სფერო და სოციალური სტატუსი. 
დასაქმების და ინფრასტრუქტურული პრობლემები, სპეციალისტების გადამზადება, სკოლამდელი და ზოგადსაგანმანათლებლო, კულტურული, სამედიცინო, საყოფაცხოვრებო დაწსებულებების პრობლემატიკა, სასოფლო–სამეურნეო დარგების განვითარების პრობლემა, ბიზნესის, ტურიზმის, სამომხმარებლო კრედიტების და სხვა პრობლემათა კვლევა და პრიორიტეტიზაცია, აგრეთვე მოსახლეობის მიერ დასახელებული პრობლემების გადაჭრის გზები – ეს იმ საკითხთა მცირეოდენი ჩამონათვალია, რომლებზეც პასუხის გაცემა მოუწიათ სამიზნე მუნიციპალიტეტებში მცხოვრებ მოსახლეობას.
გამოკითხვის შედარებითი და სტატისტიკური ანალიზები შეგიძლიათ იხილოთ ჩანართში „ინტელექტი“ ან ჩვენს ვებ–გვერდზე.